呢排天氣一轉涼，喺街上面就見到唔少人開始著外套，好似小編依種怕凍嘅人，就算返到室內都會覺得凍想要暖氣～特別女生們就算喺屋企著哂褸對手腳都係冰凍架…所以小編不惜一切都要換部冷暖分體機！但係…市面上又暖風機又暖爐又有冷暖空調，邊款最值得買？仲有屋苑裝冷暖分體機都有限制同須要注意嘅地方！疏忽處理某樣野仲會被人投訴罰錢添…究竟係咩，去全文睇睇啦～
冷暖機同暖爐...邊一款抵用啲？效果上有分別？
唔賣關子啦，冷暖空調絕對比暖爐抵用。直接用一點解釋的話，就係製暖方式唔同令兩者電費相差甚遠。電暖爐運作模式——將電能轉化成熱能，直接生產熱量，1份電力最多只會轉換成1份熱能；相反冷暖空調運作模式——運用壓縮機根據室內溫度自動調節所須製暖量，1份電力可轉換成超過3.5份熱能。
例如，一個房間需要嘅熱量係100watt，咁電暖爐將會同樣消耗100watt電量；相反冷暖空調只需約40watt電量就足以令你間房温度上升至合適水平。可見冷暖空調喺熱能轉換效率上大大超越咗電暖爐，以整個秋冬季計，幫你慳咗唔少電架～
冷暖機有咩款比你揀？！
喺市面上，如果買家用式冷暖機的話，基本上幾款機種窗口機、窗分機、掛牆機都屬於變頻機。想知變頻同定頻有咩分別、變頻機又有咩優勝之處？可以【~撳我睇相關文章~】了解返～以冷暖機嚟講，掛牆機會比較常見，同時都比較多牌子可以選擇。而冷暖窗口機嘅品牌暫時喺市面上選擇唔多，主要有樂聲、樂信、美的；同時冷暖窗分機就以珍寶為主要銷售品牌。大家想了解返各品牌相關型號的話，可以去冷氣GUY嘅冷氣街度比較下，有唔明就Whatsapp我哋客服幫你啦！
製冷同製暖...都一樣有水出！
無論大家屋企係用開邊款機種，只要有製冷功能都一定要跟條排水喉連接室內機同大廈總去水管。因為製冷情況下，室內機負責做冷凝器嘅角色（出水源頭），室外機就做蒸發器嘅角色。相反，製暖情況下，室外機先係冷凝器，所以出水位就唔會喺室內機而係散熱。總結冷暖機製暖係都會有水流出，只不過出水源頭嚟自唔同位置。
所以裝冷暖機要留意嘅地方係...？！
注意位① 散熱須駁去水喉
小編發現好多苦主喺討論區求救話一開暖氣就會滴水，而且量仲唔少，好驚比樓下投訴。其實冷暖機嘅去水位就喺散熱底部位置有個細洞，但暖氣開得唔多次數或要另外買多條去水喉駁出去，未必個個師傅都會主動做埋。如果裝喺村屋無駁去水喉應該無咩問題，但一般工廠大廈、唐樓、高樓住宅就會影響樓下單位。滴水情況嚴重會引起投訴同罰款，快啲【~撳我睇相關文章~】睇下點解決啦！
注意位② 參考住所冷氣安裝要求
大家決定裝冷暖機前記得問下自己屋苑對冷氣安裝上有無特別要求，因為有部份屋苑係直頭唔容許住客裝冷暖分體機。比如話元朗其中一個私人住宅就聲明：「本屋苑冷氣機接水喉只適合安裝凈冷型分體式冷氣機，而變頻冷暖機之安裝並不適合及不獲批准安裝。」假如屋苑批准裝冷暖機，都要留意返安裝細節上有咩限制或規定，例如：喉管尺寸，表面須配合指定油漆顏色等。
所以大家選購冷暖機，記得問清楚自己屋苑裝機有咩要注意先好買機。如果唔係到時又要轉機又有機會比屋宇署投訴就搞到頭都痕埋…
